آزاي تعرف ان شركتك محتاجة نظام بلوك شين وهل فيه حل لمشكلة ضياع الرقم الخاص او وفاة المالك لا قدر الله

-------------------------------------------
مبدئيا البلوك شين بكل بساطه هو النظام اللي يقدر يخليك تعمل حماية لبيانات مهمه او خطيره للغايه عن طريق اضافتها للبلوك شين تحت ملكية شخص او عدة اشخاص او بمعني اصح معنديش المقدره اني اصرف فلوس كتير اوي علي انظمة حمايه وفي نفس الوقت مقدرش اثق في اي نظام حمايه

مثلا في البنوك او تسجيل العقارات في الشهر العقاري

منين اضمن ان فيه حد في الشهر العقاري مثلا ممكن ياخد رشوه ويقبل انه ينقل العقار المملوك ليه بآسم واحد تاني او يعمل عقد بآسم واحد تاني

في البنك برضه منين اضمن ان ملكية الفلوس تؤول ليه وميحصلش عليها اي تحويل الا بالرجوع ليه وآخذ موافقتي حتي لو سيرفرات ومعاملات البنك اخترقت اونلاين مثلا ازاي حد يطلع علي بيانات الكريديت كارد بتاعي ومع ذلك لازم يطلب موافقتي عشان تتم العمليه من خلال البلوك شين

كل دي اسآله موجوده ومتاحه وبتحصل يوميا وحلولها كلها بيشترك فيها البلوك شين

اضافة المعلومات دي وربطها من خلال البلوك شين واعطاء ملكيتها لشخص واحد بس اللي هو المالك ومفيش اي حد علي وجه الارض هيقدر يتعامل علي بياناتي الا بالرجوع ليا لان ببساطه محدش هيقدر يخترقها ويعمل معاملات علي بلوك شين زي البيتكوين مثلا الا لما يكون بيمتلك سيرفرات البلوك شين بنسبة ٥١ في المائه وده طبعا امر مستحيل في حالات كتير اوي ومنها البيتكوين هتحتاج سيرفرات شركات عالميه مجتمعه زي جوجل ومايكروسوفت وفيسبوك مع بعض عشان تقدر تخترق البلوك شين

للسبب ده ولآسباب تانيه كتير هيه تكنولوجيا المستقبل بآقتدار بتحقق امنيات ناس كتير

طيب ايه اللي ممكن يحصل لو لا قدر الله المالك توفي او ضاع منه المفتاح الاساسي في العمليات

ساعتها احدي الشركات المتخصصه بتكون مصممه النظام علي اساس ان المالك بيحدد عدد من الاشخاص هما اللي يطلعوا علي البلوك شين

مثلا في حالة البنك والوفاه من المودع

مدير البنك مع موظف اخر مع احد الورثه مثلا والعدد ده ممكن يزيد علي حسب ما تحدد

في حالة العقارات مثلا مدير الشهر العقاري ومحامي وقاضي واحد الورثه مثلا برضه

حالات تانيه كتير زي كده

طيب في حالة النظام الصحي ازاي ممكن تضمن ان التاريخ المرضي للمريض محفوظ في مكان ما هو بس اللي يدي الموافقه عليه لاحد الاشخاص الدكتور او شركة التآمين مثلا انها تتطلع عليه

قيس علي كده اي حاله ممكن تطرآ في البيزنس وممكن تحتاج البلوك شين لتآمين بياناتها

احنا هنا بنتكلم عن المستقبل ولكنه المستقبل القريب بالفعل فيه دول ابتدت تطبق انظمة البلوك شين في انظمة الشهر العقاري زي السويد والنرويج واوكرانيا

كمان فيه دول كانت سباقه في مجال البنوك زي المانيا وفيه اكتر من مثال حاليا لبنوك قائمه علي الفكره وملهاش فروع اطلاقا

احنا في شركة كونكت داب بنهتم اننا نفهمك ايه المتاح في وقت دراسة احتياجات البيزنس بتاعك بنهتم كمان اننا نديك كل التفاصيل الخاصه بالامكانيات المتاحه للبلوك شين وآنواعها يعني مش هنسيبك الا وانت مقتنع تماما ايه احسن الطرق اللي تنفعنا في البيزنس بتاعنا